一即是全

看了一套小片子後感

https://m.youtube.com/watch?v=CHMIfOecrlo

《一即是全》人類努力想探索宇宙，於是埋首製造太空船，希望看到更大既世界。有一天，第一個人上到太空，他望著太陽不再是平日的樣子，她變成了星星，而最令他著迷的，不是月球，不是其他的行星，吸精的，是我地一直遺忘的自己 -- 地球，我地既 Spaceship EARTH，其實我們一直坐著一首探索號。

探索，永遠到最後，都是關係，是外與內的關係。當我們抽離自己本體，看到自己是一個全體的一個分子，我們才會感覺完全。自己越大，越看不見自己，然後看不見宇宙，看不見宇宙就越自我彭漲。

我們一體，才是宇宙

我們一體，才是地球

搵返D野

今日開始寫返 Blog。呢件事好迷。

我覺得所有野都有反饋，人就係透過輪迴反饋知道咩係最適合。就好似咩叫做o岩？曾經聽過話，就好似tune電台頻度，都真係要tune過龍再tune返轉頭再扭下扭下咁，到搵倒個個點，先知邊度係G點，當中錯過什至tune到聽倒車淑梅個心離一離，逃不了（車淑梅呢三個字真係好有畫面）。這幾個月，我終於發覺，係，係終於有自我知覺，覺得自己迷失左係social network既舒適區，我不自覺墮入無頻度的領域，一直無人駕駛，同千尋一樣忘記左自己個本名，我無名啊，我是誰？HELLO ? is me。

我做咩要駕駛 ？

我係搵緊野。巧合地，幾個禮拜前，同朋友講開，記得返，噢！呢個世界曾經有樣野叫blog架，同埋依家2016年1月18號1:27am都仲有架，跳起Yeah左七秒！個時係同自己最熟架。

今晚，我決定回到過去，守望麥田，用手用知覺，摸下摸下同自己自言自語，搵返未搵倒既野。